 |
| Mure en torings rondom die ou dorpie, Rothenburg, Duitsland. |
Wanneer mens jouself
in Europa en ander ou lande bevind, vind mens ook talle ou dorpies, gewoonlik
op heuwels, met sterk, hoë mure omring. Daar
is wagposte waar wagte kon uitkyk vir gevaar.
In kort, mure bied weerstand en beskerming teen aanslae van buite, van die
vyand. Indien die wagte wakker is word die inwoners
van die dorpie betyds gewaarsku wanneer daar gevaar is en hulle kan hul
voorberei en gereed wees op die aanslag.
Vanaf die muur kan geveg word teen die vyand, in relatiewe
veiligheid. Indien die stad nie ommuur
of bewaak is nie, kan die vyand lustig amok maak binne die vesting.
Dit laat my dink aan ons geestelike lewe.
Die weg van die Jahweh is vir die opregte ‘n vesting,
maar ‘n ondergang vir die werkers van ongeregtigheid.
Spreuke 10 : 29
En hy het gesê: Jahweh is my rots en my bergvesting en my
redder; God is my rots by wie ek skuil; my skild en die horing van my heil, my
rotsvesting en my toevlug, my verlosser; van geweld het U my verlos.
2 Samuel 22 : 2
- 3
In Vader Jahweh is ons
toevlug, ons skuiling, ons beskerming, ons rus.
Ons verhouding met Vader is soos die vesting se mure wat ons moet bou en
in stand hou. En net soos ‘n soldaat in
tyd van vrede opgelei word om te veg, so moet die stede herstel en versterk
word, en mure gebou word in tye van rus en vrede. Daar is geen tyd tydens aanslae om te leer
veg nie, of om ‘n verhouding met Jahweh op te bou nie. Ons moet geoefen moet wees in die
wapenrusting van God (Efes 6) vóór die aanslag.
Ons moet die mure bou en versterk vóór die vyand aanval.
En Abía het ontslaap met sy vaders en is begrawe in die stad van Dawid,
en sy seun Asa het in sy plek koning geword. In sy dae het die land tien jaar gerus. En Asa
het gedoen wat goed en reg was in die oë van Jahweh sy God: hy het die vreemde altare en die hoogtes
verwyder en die klippilare stukkend gebreek en die heilige boomstamme omgekap en
aan Juda gesê om Jahweh, die God van hulle vaders, te soek en om die wet en die
gebod te doen. Ook het hy uit al die
stede van Juda die hoogtes en die sonpilare verwyder, en die koninkryk het
gerus onder hom. Verder het hy versterkte stede gebou in Juda, want die land was rustig;
en daar was geen oorlog teen hom in daardie jare nie, omdat Jahweh hom rus
verskaf het. Daarom het hy aan Juda
gesê: Laat ons hierdie stede opbou en
met ‘n muur omring en met torings, poorte en grendels, terwyl die land nog vry
voor ons lê; want ons het Jahweh onse
God gesoek—ons het gesoek, en Hy het ons rus verskaf rondom. Hulle het toe gebou en was voorspoedig.
2 Kronieke 14 :
1 – 7
Belangrik
om te let is watter mure ons bou,
watter stede ons versterk. Is dit ‘n
verhouding met Vader Jahweh of met die wêreld?
So seker as wat die vyand ons mure gaan aanval en beproef, so seker kan
ons ook weet dat énige wêreldse vesting waaraan ons help bou sal verseker
eendag deur Jahweh afgebreek word.
Al sou Babel in die hemel opklim, en al sou hy die
hoogte van sy vesting versterk—van My af sal verwoesters oor hom kom, spreek
die Jahweh.
Jeremia 51 : 53
Tye
van rus is juis tye wat Vader aan ons bied om ons verhouding met Hom te
versterk. Ongelukkig is tye van rus,
wanneer alles goed gaan, ook die tye wanneer ons neig om ons verhouding met ons
Skepper te verwaarloos, dis die tye wanneer ons so maklik vergeet en afdwaal. Ons moet onthou dat die wêreld ons as
gelowiges voortdurend dophou. Hulle wag
vir die dag van onheil sodat hulle ons en ons Skepper kan verneder, spot en
verkleineer. Wanneer ons ons verhouding
met Jahweh verwaarloos, verswak die mure van ons geestelike weerstand en dit bied
die vyand maklike toegang. Dit maak ons ‘n
voorwerp tot smaad.
Daarop sê ek vir hulle: Julle sien
die nood waar ons in is, dat Jerusalem woes lê en sy poorte met vuur verbrand
is; kom, laat ons die muur van Jerusalem opbou, dat ons nie langer ‘n voorwerp
van smaad kan wees nie. En ek
vertel hulle van die hand van my God wat goed was oor my, en ook van die woorde
van die koning wat hy my gesê het. En hulle
sê: Ons sal ons klaarmaak en bou! En hulle het hulle hande sterk gemaak vir die
goeie werk.
Nehemia 2 : 17 -
18
Jahweh sal elke stryd vir ons stry, mits ons by Hom en
in Hom bly. Dan kan Sy sterkte deur ons
geopenbaar word in die wêreld en word Hy verheerlik in elke oorwinning oor die
Bose. Nie deur ons krag nie, maar deur Vader Jahweh se krag
alleen.
Ek skryf aan julle, vaders, omdat julle Hom
ken wat van die begin af is. Ek skryf aan julle, jongmanne, omdat julle die
Bose oorwin het. Ek skryf aan julle, kinders, omdat julle die Vader ken.
Ek het aan julle geskrywe, vaders, omdat julle
Hom ken wat van die begin af is. Ek het aan julle geskrywe, jongmanne, omdat julle sterk is en die woord van God
in julle bly en julle die Bose oorwin het.
Moenie die wêreld liefhê of die dinge wat in
die wêreld is nie. As iemand die wêreld liefhet, dan is die liefde van die
Vader nie in hom nie. Want alles wat in
die wêreld is—die begeerlikheid van die vlees en die begeerlikheid van die oë
en die grootsheid van die lewe—is nie uit die Vader nie, maar is uit die
wêreld. En die wêreld gaan verby en sy
begeerlikheid, maar hy wat die wil van God doen, bly vir ewig.
1 Johannes 2 : 13
– 17
Asa het gedoen wat goed en reg was in die oë van Jahweh sy God: hy het die
vreemde altare en die hoogtes verwyder en die klippilare stukkend gebreek en
die heilige boomstamme omgekap en aan Juda gesê om Jahweh, die God van hulle
vaders, te soek en om die wet en die gebod te doen. Ook het hy uit al die stede van Juda die
hoogtes en die sonpilare verwyder, en die koninkryk het gerus onder hom.
Verder het hy versterkte stede gebou in Juda, want die land was rustig; en daar was geen oorlog teen hom in daardie
jare nie, omdat Jahweh hom rus verskaf het. Daarom het hy aan Juda gesê: Laat ons hierdie
stede opbou en met ‘n muur omring en met torings, poorte en grendels, terwyl
die land nog vry voor ons lê; want ons
het Jahweh onse God gesoek—ons het gesoek, en Hy het ons rus verskaf rondom.
Hulle het toe gebou en was voorspoedig.
2 Kron 14 : 1 - 7
No comments:
Post a Comment